forzaahly.com

forzaahly.com

موقع عشاق النادى الأهلى

Log in

I forgot my password

Poll

توقع المتأهل لدور الثمانية
100% 100% [ 15 ]
0% 0% [ 0 ]

Total Votes : 15

Latest topics

» المدير الفني الجديد ؟
by osamahlawy Sun May 20, 2012 11:50 pm

» دوري أبطـ(2)ـــال إفريقيا 2012
by FàWéR Sat May 19, 2012 10:51 am

» رقم 10 وإسكندرية !!
by bibo010 Fri May 18, 2012 3:53 pm

» أهداف الأهلي 5-1 دجلة
by osamahlawy Sun May 13, 2012 2:09 pm

» كرة السلة
by FàWéR Sun May 13, 2012 5:20 am

» مفاوضـ( 7 )ـــات الأهلي
by osamahlawy Thu May 10, 2012 1:54 pm

» دوري أوروبا | 11-12
by osamahlawy Thu May 10, 2012 12:26 am

» Barcelona XIV
by osamahlawy Sun May 06, 2012 5:49 pm

» Alahly Digital
by osamahlawy Sat May 05, 2012 2:59 pm

» المايسترو صالح سليم
by FàWéR Sat May 05, 2012 4:41 am

مشاري بن راشد العفاسي

دعــاء

Status

Top posting users this month

Visitors | since 14/6/2011

Join Us

    الهندسة الزراعية

    Share

    الساحر الاهلاوى
    مدافع
    مدافع

    Posts: 671
    Points: 676
    Reputation: 1
    Join date: 2009-10-18
    Age: 23
    Location: فى البيت قاعد باكل تيجى تاكل معايا؟

    الهندسة الزراعية

    Post by الساحر الاهلاوى on Wed Dec 02, 2009 12:16 am





    س) يعنى ايه هندسة زراعية ؟
    ج- يعنى تطبيق لمفاهيم الهندسة ونظريتها فى مجال الزراعة ....يعنى وبمثال
    بسيط الالات الزراعية التى تستخدم فى مجال الزراعة تفتكر مين اللى صممها
    ......اكيد مهندس علشان يحسب القوى والعزوم والمواد وده كان السائد لحد
    فتره قريبه بس ظهرت مشكله وهى ان المهندس خريج الهندسة بيكون فكره كله
    منصب على الاله ومش بيهتم بالزرع اللى بتستخدم عليه الاله واذا عكسنا
    الموضوع وخلينا مهندس زراعى هو اللى يصمم هنكتشف انه صمم الاله من وجهة
    نظر النبات على حساب الاله لذا ظهرت الحاجه الى الهندسة الزراعية والتى يكون الخريج منها دارس للنظريات الهندسية والاحتياجات الزراعية ( ملحوظه مجال الميكنه الزراعية هو احد افرع الهندسة الزراعية )



    س) انا اول مره اسمع عن هندسة زراعية ديه ... هى اتعملت امتى ؟
    ج- الهندسة الزراعية موجوده فى 9 جامعات فقط فى مصر هناك بعض الجامعات التى لم تخرج حتى الان اى دفع من الهندسة الزراعية
    ( جامعة بنها مثلا ) وهناك جامعات اخرى خرجت دفعة او اتنين ( عين شمس
    والقاهره تقريبا مخرجوش غير دفعتين منهم دفعة السنادى ) وهناك جامعات
    عريقة فى هذا الجال وخرجت اكتر من دفعة مثل جامعة الاسكندرية والتى تعتبر
    اولى الجامعات المؤسسه للهندسة الزراعية



    س) بتاخد كام مجموع ؟
    ج- دائما بتكون هندسة زراعية بعد الحاسبات فى التنسيق
    وفي الاغلب 90% الا انها قلت السنة اللي فاتت بس بسبب تدني المجاميع نزلت ل 88%
    فلو فرضنا ان الحد الادنى للهندسة 93% الهندسة الزراعية هتكون 90%



    س) ايه نظام الكليه والدراسة والمواد ؟
    ج- يتبع قسم الهندسة الزراعية كليات الزراعة بطابع تنسيق خاص مدة الدراسة 4 سنوات يحصل الخريج بعدها على بكالريوس علوم زراعية شعبة هندسة زراعية ويقيد بنقابة الزراعين
    يدرس الطالب فى السنه الاولى والثانية بعض مواد الاساسيات وفى الثالثه
    والرابعة مواد التخصص وفى السنه الثالثه يكون التدريب الرسمى وفى السنه
    الرابعة يقوم بعمل مشروع التخرج .



    س) ايه تخصصات الهندسة الزراعية ؟
    ج- ينقسم مجال الهندسة الزراعية الى ثلاثة افرع رئيسيه
    1-مجال الميكنة الزراعية :
    وده يهتم بصيانة وتصميم الالات الزراعية المختلفة
    والجرارات واكيد ده اكتر قسم عاوز فهم جيد للمواد الهندسية وفي نفس الوقت
    للمواد الزراعية
    مثلا ازاي اقدر اصمم الة لخدمة محصول معين بدون مااعرف خواص المحصول ده
    وفي نفس الوقت انا محتاج ادرس القوى المؤثرة على الالة والعزوم




    هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 483x320.


    2- مجال الرى والصرف :

    ويهتم بشبكات الرى والصرف وتصميمها وتركيبها وصيانتها
    شبكات الري
    دي تصميم وحسابات لشبكات الري واللي بيدخل في الحسابات متغيرات كتيرة منها نوع النبات فلازم تتعرف عليه
    فيه نوعين:

    في ري مزارع








    وري land scape



    وده رسم هندسي لشبكة landscape



    اضغط هنا لمشاهدة الصورة بالحجك الطبيعي.








    3-مجال النظم البيئية :

    وده اختصاص واعد بدا الاهتمام به مؤخرا يهتم بالظرية
    البيئيه والتحكم فيها مثل الصوب واماكن التخزين كما يهتم بالاعمال
    المساعدة مثل المساحة والتسوية والطاقة النظيفة وتسخير علوم الهندسية
    الحديثة زي الميكاترونكس (الروبتات) والالكترونيات لخدمة الزراعة وممكن
    نفس العلوم دي تدخل في الالات الزراعية






    س) طب ونظام اختيار التخصص ؟
    ج- حتى الان وبالنظام القديم فبيكون التخصص فى السنه الثالثه والرابعة
    باختيار المواد او فى السنه الرابعة عن طريق اختيار مشروع التخرج فى مجال
    ما
    ولكن النظام ده ابتدى يتغير فى بعض الجامعات ( جامعة القاهره شغاله بنظام
    الساعات المعتمده وجامعة عين شمس النظام ده هيتطبق السنادى لاول مره
    )وبكده هيكون الطالب من حقه اختيار المجال اللى هو عايزه من سنه اولى عن
    طريق اختيار المواد التى تخدم هذا المجال



    س) اهم من كل الكلام ده ايه نظام الشغل ؟
    س- من واقع سوق العمل معظم الخريجين بيشتغلو فى مجال شبكات الرى وينقسم
    المجال ده اللى ثلاث اقسام بترتيب الترقى فيها>> صيانة>>>
    تصميم>>> مبيعات
    ايضا يستطيع خريج الهندسة الزراعية
    العمل فى مصانع الاغذيه لانه مؤهل لعمل خطوط الانتاج واختيار درجات
    الحراره المناسبه واختيار طرق خلط النسب وايضا طرق التخزين ودرجات الحراره
    المختلفه والعزل
    كمان مجال الميكنة ولكن للامانه لم اصادف حتى الان حد شغال فى المجال ده
    كمان مجال الطاقة الشمية والحيويه



    س) طب السؤال الاهم ايه الفرق بينى وبين خريج الزراعية ( مع كل الاحترام لخريجى الزراعة )؟
    ج- فيه مثال جامد اوى هيفهمك المجال
    لو واحد عايز يصمم عربيه تصلح للبيئة المصريه تفتكر المفروض يدرس ايه
    لو درس تصميم السيارات فقط فطبعا هتكون النتيجه عربيه من الناحيه
    الميكانيكيه جيده جدا ولكن لا تصلح للبيئة المصريه ......ولو درس البيئة
    المصريه فقط فالنتيجه هى انه هيصمم توك توك والحل انه يدرس تطبيق تصميم
    السيارت فى البيئة المصريه
    وهو ده اللى بتعمله هندسة زراعية فطول مدة الدراسه مواد هندسية ( فى بعض
    الكليات يدرسها دكاتره من هندسة وبعض الكليات يذهب الطلاب الى كلية
    الهندسة للمحاضرات والورش ) كما يدرس المواد بعض المواد الزراعية والتى
    تجعله ملم بالبيئة التى يعمل بها



    س) يعنى بعد كل المجهود اللى عملته فى الثانوية العامه والمجموع يضيع فى كلية زراعة ؟

    ج- اولا لازم تعرف ان الزراعة مش هى اللى فى دماغك خالص ( يعنى مش الفلاح اللى بينزل كل يوم الصبح ومعاه الفاس ولابس الجلبيه )

    لازم تعرف ان الزراعة دلوقتى اصبحت ذات تقدم تكنولوجى عالى جدا ( يكفى انك تعرف ان تسوية الارض بالليزر او بالاقمار الصناعية )

    كمان لازم تعرف ان مجال زى شبكات الرى مثلا مش معناه انك هتحفر ترعة
    معظم شبكات الرى بتكون فى الملاعب واراضى الجولف والمسطحات الخضراء
    ...كمان اصبح التحكم عن طريق وحدات تحكم خاصه تقوم بتشغيل الرشاشات
    اوتوماتيك دون اى تدخل سوى المتابعة
    يكفى كمان علشان تتاكد من مجالك انك تعرف ان فيه طالبة اتخرجت السنادى من جامعة عين شمس سجلت اختراع خاص بالهندسة الزراعية عباره عن دائرة تقوم بقياس كمية المياه بالارض وتشغيل الشبكة فى حالة نقصها



    س ) طب ولما هى هندسة يبقى ايه لازمة الزراعة؟
    ج- منا قلتلك ينفع تصلح جهاز وانت متعرفش ده بيشتغل ازاى
    ويكفى انك تعرف ان ابو الهندسة الزراعية فى مصر والوطن العربى وهو الدكتور نبيل العوضى خريج كلية الهندسة ( بالمناسبة هو رئيس الجمعية المصريه للهندسة الزراعية )


    Last edited by الساحر الاهلاوى on Wed Dec 02, 2009 12:18 am; edited 1 time in total

    osamahlawy
    Admin

    Posts: 126292
    Points: 128347
    Reputation: 12
    Join date: 2009-09-28
    Age: 31
    Location: Cairo

    Re: الهندسة الزراعية

    Post by osamahlawy on Wed Dec 02, 2009 12:17 am

    شكرا على التوبيك ياباشا
    جاري القراءة





    لا إله إلا الله

    لا حول ولا قوة إلا بالله

    سبحان الله وبحمده .. عدد خلقه .. ورضا نفسه .. وزنة عرشه .. ومداد كلماته






    الساحر الاهلاوى
    مدافع
    مدافع

    Posts: 671
    Points: 676
    Reputation: 1
    Join date: 2009-10-18
    Age: 23
    Location: فى البيت قاعد باكل تيجى تاكل معايا؟

    Re: الهندسة الزراعية

    Post by الساحر الاهلاوى on Wed Dec 02, 2009 12:18 am

    كبر الفونت ونسقه يا اوس لاحسن مش عارف وشيل الوصلات بتاعة التسجيل

    osamahlawy
    Admin

    Posts: 126292
    Points: 128347
    Reputation: 12
    Join date: 2009-09-28
    Age: 31
    Location: Cairo

    Re: الهندسة الزراعية

    Post by osamahlawy on Wed Dec 02, 2009 12:20 am

    اوك





    لا إله إلا الله

    لا حول ولا قوة إلا بالله

    سبحان الله وبحمده .. عدد خلقه .. ورضا نفسه .. وزنة عرشه .. ومداد كلماته






    الساحر الاهلاوى
    مدافع
    مدافع

    Posts: 671
    Points: 676
    Reputation: 1
    Join date: 2009-10-18
    Age: 23
    Location: فى البيت قاعد باكل تيجى تاكل معايا؟

    Re: الهندسة الزراعية

    Post by الساحر الاهلاوى on Wed Dec 02, 2009 12:23 am

    الشكر لله يا اوسSmile

    osamahlawy
    Admin

    Posts: 126292
    Points: 128347
    Reputation: 12
    Join date: 2009-09-28
    Age: 31
    Location: Cairo

    Re: الهندسة الزراعية

    Post by osamahlawy on Wed Dec 02, 2009 12:26 am

    تم





    لا إله إلا الله

    لا حول ولا قوة إلا بالله

    سبحان الله وبحمده .. عدد خلقه .. ورضا نفسه .. وزنة عرشه .. ومداد كلماته






    الساحر الاهلاوى
    مدافع
    مدافع

    Posts: 671
    Points: 676
    Reputation: 1
    Join date: 2009-10-18
    Age: 23
    Location: فى البيت قاعد باكل تيجى تاكل معايا؟

    Re: الهندسة الزراعية

    Post by الساحر الاهلاوى on Wed Dec 02, 2009 12:30 am




    الــــــــــــــــــــــــــهنــــــــــــــد الـــــزراعـــيـــة ـــــــــــــــــسة


    - [size=16]نشأة القسم
    :

    نشأ هذه التخصص على شكل شعبة ميكنة زراعية من سنه تالته فى كلية الزراعة
    ثم تم تحويل الشعبة الى قسم للميكنة الزراعية ولكنه كان يحصل على طلبة
    كلية الزراعة خريجى علمى علوم وكان لهذا تأثير سلبى نظرا لعدم علمهم
    الكبير بالرياضه استقر القرار على ان يصبح قسم الهندسة الزراعية من السنه الاولى لطلبة العلمى رياضه بالثانويه العامه او مايعادلها


    - تعريف القسم :

    هو حلقة الوصل بين التطبيقات التكنولوجية الهندسية ومجال الانتاج الزراعى
    ويكون خريج القسم جاهز للتعامل مع وحدات الاداء المزرعى من تركيب وصيانه
    وتشغيل منذ لحظة اعداد التربة وحتى الحصاد والفرز والتعهبئة والنقل
    والتصنيع

    - مجالات العمل التى يخدمها خريج الهندسة الزراعية :

    1) مجال هندسة الاراضى والمياه :

    ويهتم بهندسة موقع الانتاج وامداد النبات بالاحتياجات المائيه دون اى ضرر
    ويخدم هذا المجال علوم المساحة من استخدام الخرائط المساحية للاغراض
    الزراعية وحسابات التسوية وتكنولوجيا تشغيل التربة

    2) مجال الميكنة الزراعية :

    بما فيها ميكنة الانتاج الحيوانى واعداد وتداول الاعلاف وطرق تشغيل وصيانه
    المعدات المختلفة لانجاز العمل وتشمتمل على صادر القدره المختلفه (الجرار-
    المحركات- الكهربائية الرياح- الطاقة الشمسية وغيرها من المصادر المختلفة )

    3) مجال هندسة المنتجات الزراعية او التصنيع :

    وهو مجال يهتم بالمحصول سواء فاكهه او خضر او نباتات وزهور كما يهتم
    بالمنتجات الزراعية , ويعتبر هذا المجال ان المحصول كائن حى يتأثر
    بالعوامل الهندسة المحيطه به وبالتالى يمكن التحكم بها للوصول الى افضل
    منتج بالخواص المطلوبه كما يهتم ايضا بوسائل التخزين والنقل والتعبئة
    والقطع والتغليف وغيرها من العمليات التى قد يتعرض لها المحصول

    4) مجال التحكم البيئى :

    ويهتم بالحيز البيئ المحيط بالعملية الزراعية سواء زراعه او انتاج حيوانى
    (الصوب -الحظائر وغيرها....) ليس من وجهة النظر المعمارية ولكن من وجهة
    نظر الهندسة الزراعية

    5)مجال التحليل والتصميم الهندسى لمنظومة الانتاج الزراعى :

    ويهتم هذا المجال بتحديد المدخلات والمخرجات وتحديد تأثير كل عامل منها
    لصالح الانتاج وتوفير الرقابة والمتابعة وتعديل مسار الانتاج باستخدام
    الوسائل الهندسية الحديثة من اجهزة قياس واجهزة تحكم وغيرها



    مدة الدراسة فى القسم

    4 سنوات يتخرج منها الطالب حاصلا على بكالريوس علوم زراعية شعبة هندسة زراعية ويلتحق بنقابة المهن الزراعية


    حتى الان لا يوجد تخصصات داخل شعبة الهندسة الزراعية
    وان كانت تختلف من جامعة لاخرى فى كيفة اختيار التخصص حيث يوجد جامعات
    تسمح للطالب باختيار التخصص عن طريق اختيار المواد التى سوف يدرسها من
    السنه الثالثه وجامعات اخرى تكتفى بان يكون التخصص فى مشروع التخرج فقط



    عدد الجامعات المصرية التى تحتوى على قسم الهندسة الزراعية 9 جامعات مصرية
    بالاضافة الى جامعة الازهر كما يوجد قسم للهندسة الزراعية بهندسة اسيوط

    [/size]

    الف شكر يا اوس

    Eng Mady
    Admin

    Posts: 20041
    Points: 20255
    Reputation: 12
    Join date: 2009-10-01
    Location: Far Far Away

    Re: الهندسة الزراعية

    Post by Eng Mady on Wed Dec 02, 2009 12:33 am

    كده انتوا متداخلين مع مدني شعبة الري؟

    bibo010
    Admin

    Posts: 18439
    Points: 18920
    Reputation: 8
    Join date: 2009-09-30

    Re: الهندسة الزراعية

    Post by bibo010 on Wed Dec 02, 2009 12:34 am


    الساحر الاهلاوى
    مدافع
    مدافع

    Posts: 671
    Points: 676
    Reputation: 1
    Join date: 2009-10-18
    Age: 23
    Location: فى البيت قاعد باكل تيجى تاكل معايا؟

    Re: الهندسة الزراعية

    Post by الساحر الاهلاوى on Wed Dec 02, 2009 12:41 am

    مساء الفل يا عص
    مع مدنى رى وانشاءات
    وميكانيكا والات
    كهربا
    مساحة
    كل القرف دة يا مادى

      Current date/time is Sat Oct 25, 2014 1:08 pm